Dadka uu ku dhacay xanuunka Coronavirus adduunyada oo idil, ayaa gaadhay 5 Milyan, waxaa la xaqiijiyay inay ka bogsadeen xanuunka caalamka oo idil dad tiradoodu ka badan tahay 1.9 Milyan, iyadoo ay u geeryoodeen tiro ka badan 328,000 oo qof.
Iran waxay sheegtay in tiro ka badan 10,000 oo shaqaalaheeda caafimaadka laga helay xanuunka, Indonesia-na waxay diiwaangelisay tiradii ugu badnayd maalin kaliya, taas oo ah 973 qof.
Ruushku, wuxuu si rasmi ah ugu dhawaaqay inay dhimashadu gaadhay 3,000 oo qof, shaqaalaha Caafimaadka UK waxay bilaabeen tijaabinta dawada Hydroxycholoroquine.
Giriiggu, wuxuu damacsan yahay inuu furo dalxiiska bisha Juun.
Dalka ugu horreeya xanuunka Coronavirus dunida oo idil, ayaa ah Maraykanka, halkaasi, oo dadka uu ku dhacay xanuunku ay gaadheen 1,551,853 qof, dadka u dhintay Coronavirus Maraykanka, ayay tiradoodu cagacagaynaysaa 93,439 qof.
Dalalka kusoo xiga Maraykanka marka ay noqoto dadka uu ku dhacay iyo kuwa u dhintayba xanuunka, ayaa kala ah Ruushka, Brazil, Ingriiska, Spain, Talyaaniga, Faransiiska iyo Jarmalka.
Inkasta oo ay hoos usoo dhacayso tirada dadka uu ku dhacayo xanuunku meelaha qaar adduunyada, ayaa haddana waxaa kor usii kacaya meelo kale oo isla adduunyada uun kamid ah, kuwaasi oo u badnaa inaanu xanuunku markii hore kaba jirin, amaba ay yaraayeen tirada dadka uu haleelay.
Dalka Jabuuti ayaa hawada sare u dirtay Dayax-gacmeedkeedii ugu horeeyay ee uu dalkaasi yeesho, kaas…
Madaxweynaha Soomaaliya Md. Xasan Sheekh Maxamuud ayaa magaalada Riyaad ee Boqortooyada Sucuudiga kaga qeyb-galay kulan…
Xukuumadda Itoobiya ayaa sheegtay in qorshaha ay dawlad ahaan ku doonayaan inay heleen meel ay…
Ajandaha kal-fadhiga 83aad ee Golaha Guurtida Somaliland oo ka kooban 12 qodob, ayaa waxa ku…
Madaxweynaha Jamhuuriyadda Somaliland Md. Muuse Biixi Cabdi, ayaa ka qayb-galay munaasibad ballaadhan oo loogu dabbaaldegayo…
Dawladda Somaliland ayaa subaxnimadii hore ee maanta xukun dil ah ku fulisay shan nin oo…