Maxkamad milatari dalka itoobiya ayaa 66 askari ku riday xukun u dhexeeya afar ilaa 15 sanno oo xadhig ah, askarta ayaa bishii october ee aynu soo dhaafnay mudaharaad ka sameeyay xafiiska raysal wasaaraha hortiisa.
Dawladda itoobiya ayaa markaas sheegtay in askartu ay dalbanayeen mushahar-kordhin, lakiin mardanbe ayuu raysal wasaare abiy ahmed ku eedeeyay in ay maleegayeen shirqool dil ah oo isaga ka dhan ah.
“xukunada maanta dhacay waxay noqon doonaan cashar” ayuu yidhi cap hailamariam oo ka tirsan xeer-ilaalinta itoobiya.
Looyarada u doodayay askarta ayaa sheegay in ay racfaan ka qaadanayaan xukunka.
Hal askari waxa lagu xukumay 14-sanno oo xadhig ah, halka 65-ka kalana lagu xukumay xadhig u dhexeeya 5 ilaa 14-sanno, iyagoo lagu eedeeyay in ay ku xadgudbeen shuruucda milatariga.
66-ka askari waxay ka tirsanaayeen 200 oo askari oo ka tirsan ciidanka duubcasta oo ku hor mudaharaaday xafiiska raysal wasaaraha oo ku yaala magaalada caasimadda ah ee addis ababa.
Bishii september ayay maxkamadi 5 eedaysane ku xukuntay falal argagixiso, iyadoo looga shakiyay in ay wadeen iskuday ay ku khaarajinayaan raysal wasaare abiy oo markaa ku sugnaa dibadbax wayn oo kadhacay magaalada addis abab bishii june.
Raysal wasaare abiy ayaa tan iyo intii uu xafiiska qabtay bishii april la yimi isbadalo waawayn, isagoo xabsiyada kasii daayay kumanaan qof oo bilaa danbiyo u xidhnaa, halka uu saamaxay ururo ka mamnuuc ahaa gudaha itoobiya. Abiy ayaa sidoo kale hormuud ka ahaa nabada ka dhex-dhalatay wadmada itoobiya iyo eritrea.
Dalka Jabuuti ayaa hawada sare u dirtay Dayax-gacmeedkeedii ugu horeeyay ee uu dalkaasi yeesho, kaas…
Madaxweynaha Soomaaliya Md. Xasan Sheekh Maxamuud ayaa magaalada Riyaad ee Boqortooyada Sucuudiga kaga qeyb-galay kulan…
Xukuumadda Itoobiya ayaa sheegtay in qorshaha ay dawlad ahaan ku doonayaan inay heleen meel ay…
Ajandaha kal-fadhiga 83aad ee Golaha Guurtida Somaliland oo ka kooban 12 qodob, ayaa waxa ku…
Madaxweynaha Jamhuuriyadda Somaliland Md. Muuse Biixi Cabdi, ayaa ka qayb-galay munaasibad ballaadhan oo loogu dabbaaldegayo…
Dawladda Somaliland ayaa subaxnimadii hore ee maanta xukun dil ah ku fulisay shan nin oo…