Dawladda Somalia Oo Xaqiijisay In Imaraatka Uu Tababaro Ciidanka Somalia

Wasaaradda Gashaadhiga Somalia Ayaa Markii Ugu Horaysay Shaaca Ka Qaaday In Dawladda Imaraatka Carabta Ay Tababar Siyaan Ciidamo Ka Tirsan Ciiidamada Xooga Dalka Somalia.

Wasiirka Wasaaradda Gashaadhiga Dawladda Federaalka Somalia Maxamed Mursal Sheekh Cabdiraxmaan Ayaa Warsaxafadeed Uu Soo Saaray Ku Sheegay In Dawladda Imaraatka Carabta Ay Tababar Siiso Ciidaamo Soomaaliya .

Wasiirka Gashaadhiga Somalia Ayaa Dawlada Imaraatka Uga ,Mahad Celiyay Tababarka Ay Siiyaan Ciidamada Xooga Dalka Somalia.Isaga Oo Shaaciyay In Ciidamadaas Dawladda Somalia Lasoo Wareegi Doonto 12-April Oo Ku Beegan Xuska Maalinta aas aaska Ciidamada Xooga Dalka Somalia.

Warsaxadeedkan Kasoo Baxay Wasaaradda Gashaadhiga Somalia Ayaa Kusoo Beegmaya Xili Xurguf Siyaasadeed Ka Dhex Taagan Yahay Dawlada Somalia Iyo Imnaraatka Carabta ,

Bilihii Lasoo Dhaafay Ayay Ahayd Markii Dawladda Somalia Golaha Amaanka Ee Qaramada Midoobay Iyo Jaamacada Carabta U Gudbisay Dacwad Ka Dhan Ah Dawladda Imaraatka Carabta Taas Oo Somalia Ku Sheegtay In Imaraatka Uu Farogelin Qaawan Ku Hayo Soomaaliya.

Sidoo Kale Dawladda Somalia Ayaa Asbuucan Gudihiisa Madaarka Magaaladda Muqdisho Ku Qabatay Lacag Dhamayd 9-Milyan Iyo 600 Oo Dollarka Maraykanka Ah Taas Oo Lagu Qabtay Diyaarad Ka Timid Dalka Imaraatka Carabta.

Wasaaradda Arrimaha Dibadda Ee Imaaraadka Carabta Ayaa War Saxaafadeed Ay Soo Saartay Waxay Ku Tilmaantay  Tallaabadaasi Mid Sharci-Darro Ah Oo Xadgudub Ku Ah Shuruucda Caalamka. Imaaraadka Ayaa Sheegay Inay Arrintaasi Jebinaysay Is-Afgarad Ay Gaadheen Soomaaliya Iyo Imaaraadka Sannadkii 2014-Ka.

Balse Dawladda Somalia Oo Dhankeeda Iska Difaacday Eedaymahaasi Ayaa Sheegay. In Boorsooyinkani aanay Ahayn Kuwo Diplomaasiyeed.

Waxaa Kale Oo Somalia Sheegtay In Is-Afgaradka Ay Gaadheen Soomaaliya Iyo Imaaraadka Uu Waaqtigiisii Dhammaaday Sannadkii 2016-Ka.