Maraykanku wuxuu Soomaaliya u sheegay in ay doorasho ku qabato inta ka dhiman sanadkan ama ka hor dhammaadka sanadka, sida ay lagu xusay war kasoo baxay U-Qaabilsanaha Dawlada Maraykanka ee Arimaha Afrika.
Warka Maraykanka ayaa yimi kadib kulan dhex maray wasiirka arimaha dibadda ee Soomaaliya iyo Mary Phee, haweenayda u qaabilsana Afrika ee wasaaradda arimaha dibadda Maraykanka.
“Waxaan ku faraxsanahay in aan xarunta wasaaradda arimaha dibadda ku qaabilo wasiirka arimaha dibadda ee Soomaaliya. Halkaas oo aan u sheegay in gudida doorashooyinka ee Soomaaliya ay tahay in ay dhammaystiraan doorashada inta aanu dhammaan sanadkani” ayaa lagu yidhi warka Maraykanka ee u qaabilsanaha Afrika.
Wasiirka arimaha dibadda ee Soomaaliya ayaa isaguna dhankiisa kulankan ku sifeeyay mid midho dhal ahaa, oo lagaga wada hadlay arimaha doorashooyinka Soomaaliya iyo gobolka.
