Labada ciyaaryahan ee kala ah Fikayo Tommori iyo Tammy Abraham ee u safta naadiga Chelsea ee ka dheela horyaalka Ingiriiska ayaan wali qaadan go’aan rasmi ah oo ku aadan xulka ay u ciyaari doonaan mustaqbalka.
Labada ciyaaryahan waxa aad u danaynaya waddanka Ingiriiska oo raba in ay xulkiisa si toos ah ugu saftaan ciyaaraha qaaradda Yurub ee sanadka 2022-ka, balse wali waxa ay haystaan jaanis ay ugu saftaan waddankooda Nigeria, maadaama aanu midkoodna wali kulan caalami ah u safan Ingiriiska.
Waxa jira cadaadis-qoys oo labadoodaba saaran, kaas oo lagu riixayo in ay u ciyaaraan dalkooda Nigeria.
Tommori oo 21-jir ah daafacana ka ciyaara iyo Abraham oo 22-jir weerar ah ayaa kubadooda aad loola dhacay, iyadoo Ingiriiskuna uu siiyay jaanis ay ugu ciyaari karaan xulkiisa qaranka.
