Madaxweyne ku xigeenka jamhuuriyadda Somaliland ayaa maanta magaalada Berbera ee xarunta gobolka Saaxil ku daah-furay mashruuc lagu horumarinayo magaalada xeebta ku taala ee Berbera.
Mashruuca ayuu maal galinayaa Midawga Yurub waxaana munaasibadda daah-furka ka qayb galay ergeyga Midawg Yurub ee Soomaaliya, Nicholas Berlanga.
Mashruucan oo loo bixiyay Berbera Urban Development ayay dawladda Somaliland hore u diiday, balse waxa aqbalay maayirka magaalada Berbera oo u socdaalay xafiiska Midawga Yurub ee magaalada Nairobi, maantana waxa si ramsi ah u daah furay madaxweyne ku xigeenka Somaliland, mudane Saylici.
Dawladda Soomaaliya iyo Midawga Yurub ayaa hore u kala saxeexday mashruuc ballaadhan oo kan Berbera uu hoos tagayo, kaas oo laga fulinayo magaalooyin dhawr ah oo ku yaala Soomaaliya.
