Donald Trump, madaxweynaha waddanka Maraykanka ayaa soo bandhigay wax uu ku sheegay ‘heshiiska qarniga’ isagoo doonaya in uu dhexdhexaadiyo waddanka Falastiin iyo Yuhuuda deggen Israel.
Heshiiska ayay si wayn u diiday dawladda Falastiin, iyadoo sheegtay in aanay marnaba aqbali doonin. Boqorka Sucuudiga iyo madaxweynaha Masar oo qorshahan taageeray ayaa madaxweynaha Falastiin usoo jeediyay in uu aqbalo heshiiska.
Qorshahan ayaa ah mid khatar ku ah jiritaanka shacabka reer Falastiin, isagoo meesha ka saaraya dhammaan dhulkii ay lahaayeen Falastiiniyiintu ee Yuhuudii Ingiriisku dejiyay xooga kaga qaaday, illaa haddana ay deegaamayn kale ku wado. Qorshaha ayaan ogolayn maamul madax banaan oo Falastiin leedahay, hadii ay rabaanna waxa ku xidhan shuruudo badan iyadoo aanay caaasimad u noqon doonin magaalada barakaysan ee Qudus.
