Madaxweynaha maamul gobolledka Galmudug Axmed Ducaale Geelle “Xaaf” ayaa oo qoraal uu soo saaray, waxaa uu ku sheegay in uu dib ula soo noqday mas’uuliyadii Galmudug oo sida uu hadalka u dhigay bishii July uu ku wareejiyay Wasaaradda Arrimaha Gudaha ee Federaalka Soomaaliya.
Xaaf ayaa sheegay in go’aankan uu qaatay ka dib markii uu ogaaday in dowladdu ku fashilantay muddo saddex bilood ah in natiijo la taaban karo ay ka gaadho arrimaha dib-u-heshiisiinta iyo dhismaha maamul Galmudug leedahay oo loo dhan yahay
Isla markaana waxaa uu sheegay in uu sii degdeg ah uu soo magacaabi doono guddiyo ka shaqeeya arrimaha dib-u-heshiisiinta, doorashooyinka iyo xalinta khilaafaadka Galmudug