Qoraal kasoo baxay wasaaradda caafimaadka Soomaaliya ayaa lagu sheegay xaalado cusub oo kasoo kordhay xanuunka Coronavirus gudaha Soomaaliya, qoraalka wasaaradda ayaa u dhignaa sida tan:
”Wasiirka ayaa ku dhawaaqday tirada xaaladaha cusub ee maanta in ay tahay 81 xaaladood oo lagasoo xaqiijiyay 5 maamul goboleed oo kala duwan.
Gobolka Banaadir ayaa laga xaqiijiyay 44 xaaladood, Maamulka Jubbaland 24 xaaladood, Mamulka Puntland 6 xaaladood, Maamulka Somaliland 5 xaaladood iyo Maamulka Hirshabelle 2 xaaladood.
Wadarta guud ee xaaladaha la xaqiijiyey ayaa noqoneyso 1,170 xaaladood iyadoo ay bogsootay 5 bukaan. Majirin wax dhimasho ah 24kii saac ee lasoo dhaafay.
Wasiirka ayaa la wadaagtay fariimo waciyigelineed dhammaan bulshada gaar ahaan dhalinyarada maadaama ay yihiin da’da uu aad u saameeyay caabuqa, in laga rabo inay muujiyaan taxadar aad u farabadan, ayna si ficil ah u dhaqangeliyaan siyaabaha looga hortago caabuqa”
Wararkii ugu dambeeyay kala Soco Saab TV, waa meesha kuugu dhow ee aad ka heli karto warar xaqiiqada ku sal leh.
