Maalintii ugu dambaysay sannadkii 2019-ka, madaxwaynaha dalka Iiran Xasan Rooxaani, ayaa sheegay in wareegyo is xigxiga oo cunaqabatayn ah taasoo uu Maraykanku saaray Iiran, ay jamhuuriyadda Iiraan ee Islaamiga ah uga kacday $100 bn oo dakhligii saliidda kasoo xaroon jiray ah iyo $100 bn oo ahayd lacag maalgashi ah.
Khudbad Telefishanka laga baahiyay oo uu kala hadlayay qaranka, ayuu ugu yeedhay wax uu ku tilmaamay ‘’dagaal dhaqaale’’.
Xasan Rooxaani, ayaa ku eedeeyay inuu ciqaabaha maaliyadeed ee uu saaray uu rabo inuu ku waxyeelleeyo dhinacyada saliidda iyo bangiyada dalkaas.
Inkasta oo ay Iiraan Maraykanka la murmayso, haddana waxaan sinaba loo dafiri karin in cunaqabatayna Maraykanku saaray dalkaas ku yeelatay saamayn ba’an, wasiirka arrimaha dibadda ee Iran, Maxamed Javad Sarif, ayaa warbaahinta adduunka hore ugu sheegay saamaynta cuna-qabataynta Maraykanka, isagoo xusay inay xitaa saamayn ku yeelatay daawooyinkii, cuntooyinkii iyo baahiyaha daruuriga u ah nolosha dadka Iiraaniyiinta.
Axmed Maxamuud Yuusuf, Telefishanka Saab, Hargeysa.
