Dalka Itoobiya ayaa xaqiijiyay in qofkii labaad uu u dhintay caabuqa dilaaga ah ee Coronavirus, wuxuuna noqonayaa dalka hogaaminaya dhimashada xanuunka ee bariga qaaradda Afrika.
Wasiirka caafimaadka ee Itoobiya ayaa muddo ay u dhaxaysay hal saac ku kala dhawaaqday labada qof oo u dhintay xanuun dhanka neefsashada ah oo Covid-19 uu ku keenay.
Itoobiya ayaa hadda diwaangalisay 43 kiis oo ah caabuqa Coronavirus, waxaana ay dawladdu wadaa dedaalo ay ku yaraynayso fiditaanka caabuqa.
