Caabuqa dilaaga ah ee Covid-19 kana tirsan bahweynta xanuun-sidayaasha ee Coronavirus ayaa dalka Soomaaliya ku dilay qofkii koobaad, sida ay xaqiijisay wasiirka caafimaadka ee Soomaaliya, Dr. Fawziyo.
Ilaahay ha u naxariistee waxaan xaqiijineynaa geerida qofkii u dhintay cudurka COVID 19. Waxaa kaloo isla galabta la xaqiijiyay 4 xaaladood ee cudurka. Waa faafida bulshada dhexdeeda.
Fadlan raaca talooyinka caafimaad si cudurka loo xakameeyo.— Dr Fawziya Abikar (@AbikarDr) April 8, 2020
Wasiirka ayaa sidoo kale sheegtay in afar qof oo kale laga helay caabuqa, sila markaana uu dalku galay xaaladda faafitaanka bulshada dhexdeeda ee caabuqa Covid-19 maadaama dadka laga helay aanay u safrin dibadda Soomaaliya ee ay ahaayeen muwaadiniin gudaha ku suga.
Illaa laba ka mid ah hawlwadeenada caafimaadka ayaa sidoo kale laga helay caabuqa, sida ay wasiirku xustay.
Waxaa kamid ah dadka laga helay cudurka labo sarkaal oo shaqaalaha Wasaaradda caafimaadka ah taas oo qasab ka dhigaysa dhammaan dadkii la shaqaynayay ama xariirka la lahaa inay karantiil galaan inta laga xaqiijinayo baaritaanka.
— Dr Fawziya Abikar (@AbikarDr) April 8, 2020
