Magaalada Boosaaso ee xarunta gobolka Bari, Puntland, waxa hadda ka bilaabantay xabbad iyo is-rasaasayn laga maqlayo qaybo ka mid ah magaalada.
Rasaasta ayaa ka bilaabantay meel u dhaw xero ay degenyihiin ciidamada PSF ee maamulka Puntland kuwaas oo cutubyo ka mid ahi ay taageersanyihiin agaasimihii xilka laga qaaday balse diiday.
Waxa la rumaysanyahay in isku dhacyadan ay u dhexeeyaan ciidamada dawladda iyo kuwa daacadda u ah agaasimihii hore ee PSF.
Maxamuud Cismaan Diyaano ayaa diiday in uu wareejiyo agaasimaha PSF taas oo keentay in xiisad colaadeed laga dareemo Boosaaso maalmihii tegay.