Guud ahaan aduunka tirada dadka uu ku dhacay xanuunka Coronavirus, ayaa kor u dhaaftay 3.7 Milyan oo qof adduunka oo dhan.
Tirada dadka kasoo kabtay ayaa kor u dhaafaya 1.2 Milyan oo qof, halka dadka u geeryoodayna ay tiradoodu dhaaftay 264,000 oo ruux.
Pakistan waxay sheegtay inay khafiifin doonto xayiraadaha xanuunka Coronavirus maalinta Sabtida ah, halka boqortooyada Ingriiskuna ay shaacin doonto in kooban oo la qaadi doono xayiraadaha.
Boqortooyada Sucuudiga ayaa samaynaysa cutub ciidamo ah oo si gaar ah ugu qaabilsan kahortagga isku imaansha dadka, halka ay korodhay tirada dadka uu ku dhacay Coronavirus dalka Holland amaba Netherlands.
Dawladda dalka Qatar, ayaa shaacisay inay heshay kiisas cusub oo kor u dhaafaya 918 kiis oo cusub.
Waddamada ugu horreeyay Coronavirus marka ay noqoto dhimashada iyo dadka uu ku dhacay ayaa kala ah dalalka, Maraykanka, Spain, Talyaaniga, Ingriiska, Ruushka iyo Faransiiska.
