Nin ku nool dalka Shiinaha ayaa guursaday maydka gabadh u doonanayd oo ay guur ku ballameen , waxaana guurku uu dhacay intii uu socday aaska gabadhu , waxaana uu muujiyay jacaylka uu u qabay iyada oo uu geeriyootay Kansarka naasaha ku dhaca.
Caruuska aad u murugeysnaa Xu Shiman oo 35 jir ah, ayaa rejaynaya in xaflada guurku ay ahayd xaqiijinta riyada gabadhii uu doonanayd oo ahayd in ay mar uun caruus noqoto.
Maydka gabadha uu saaxiibka Xu la ahaa 12 sanno Yang Liu ayaa loo xidhay toob cad ee caruusada loogu talagalay , waxaana lagu wareejiyay ubaxyo markii Xu uu akhriyay fariinta wacadka uu ku galay guurkeeda sida ay ku warantay warbaahinta maxaliga ah ee Shiinaha.
Munaasabad loo qabtay aaska ayaa ka dhacday magaalada Dallian oo ku taalla Bariga Shiinaha , waxaana goob joog ka ahaa qoysaska lamaanaha iyo asxaabtooda.
Xu waxa uu yidhi ha ii warwarin xaaskaygaay , noloshaydu waxa ay noqon doontaa mid xanuun badan isna dhiibi maayo.
Yang waxa ay dhimatay 14 October iyada oo da’adeedu ahayd 34 jir , waxaana ay la tacaalaysay Kansarka shan sanno iyo badh.
Xu waxa uu sheegay in uu 24 ka saacadood dul joogi jiray 7 maalmood maydka Yang.
Waxa kale oo uu sheegay in ay u sheegtay isaga in aan cidna u ooyin oo ay dhimanayso, isuguna oo ilmada ceshaday.
Waa ay is yaqaaneen waxa ay ka sheekaysan jireen khadka internet-ka iyaga oo jaamacada isku fasal ahaa 2007.
Guurkoodu ayay qorsheeyeen 2013 bishii August,laakiin noloshooda ayaa xaga kale isu rogtay ka dib markii Yang ay xanuunka ka dareentay laabta.
Caruursada oo 28 jir wakhtigaasi ahayd, ayaa qaaday Kansarka naasaha ku dhaca , waxaana ay martay qaliiino kala duwan,laakiin weligood ma ooyin waana ay dhoolacadeyn jirtay.
Sannadkii 2017 waxa soo hagaagtay xaadalada Yang , waxa ay uruursadeen lacag iyaga oo mar kale arooska isu diyaariyay, Laakiin nasiib daro waxa soo laabtay Kansarkii sanad ka dib , waxa ay tageen cisbitaalo ku yaaalla Shiinaha si ay u helaan talo caafimaad .
Yang waxa ay xaaladeedu ka sii dartay bishii May , waxaana ay sariir yaal noqotay bishii July.
Xu waxa uu sheegay in uu oofiyay ballankiisii ahaa in uu iibin doono toobka ugu qaalisan ee caruusaduhu ku aqal galaan .
Dad badan oo ku nool Shiinaha ayaa sheekadan lamaanaha ku wadaagay baraha bulshada .