Madaxweynaha Turkiga ayaa dhambaal hambalyo ah u diray madaxweynaha cusub ee dalka Soomaaliya, Xasan Sheekh Maxamuud.
Warqad uu soo diray madaxweyne Erdogan ayuu ku yidhi:
“Waxaan ku faraxsannahay sida wanaagsan ee ay ugu soo dhamaatay doorashadii madaxtinimo ee ka dhacday Soomaaliya 15-kii May 2022. Waxaan u rajaynaynaa in doorashadu ay u noqoto walaalaheena Soomaaliyeed iyo shacabka bariga Afrika oo wadajira, waxaana u hambalyaynaynaa Madaxweyne Xasan Sheekh Maxamuud,” ayuu yiri Madaxweynaha dalka Turkiga Recep Tayyip Erdogan.
Turkiga ayaa lagu tiriyaa dawladaha saaxiibka la ahaa xukuumaddii madaxweyne Xasan Sheekh Maxamuud.