Qoraal lagu daabacay wasaaradda caafimaadka Soomaaliya ayaa sheegtay in la helay kiisas cusub oo ah Coronavirus, qoraalkan oo lagu baahiyay baraha bulshada, ayaa waxaa lagu yidhi:
”Dr. Fawziya Abikar Nuur, Wasiirka Caafimaadka oo maanta bulshada la wadaagtay xaaladaha cusub ee caabuqa COVID-19, ayaa sheegtay in 24-kii saac ee ugu danbeysay la xaqiijiyey 55 xaaladood ee cusub oo COVID-19 ah. 41 ka mid ah waxaa laga helay Gobolka Banaadir, 13 xaaladood Maamulka Puntland iyo 1 xaalad laga helay Maamulka Hirshabelle. Wadarta guud ee xaaladaha caabuqa ayaa ah 928 xaaladood, waxaa geeriyooday 5 bukaan, waxaana bogsaday 19 bukaan.
Wasiirka ayaa umadda Soomaaliyeed u sheegtay ahmiyadda ay leedahay ka hotagista iyo xakameynta caabuqa maadaama uu kusii fidaayo dhammaan Maamullada dalka, laguna dadaalo qaababka looga hortago sida gacmo dhaqashada, af-xirka iyo yareenta isu socodka bulshada.”
Wararkii ugu dambeeyay kala soco Saab TV, waa meesha kuugu dhow ee aad ka heli karto warar xaqiiqada ku sal leh.
