Dawladda Shiinaha ayaa ka hadashay arinta jasiiradda Taiwan oo dhawaan xidhiidh la samaysay Somaliland, iyadoo labada dhinac ay sheegeen in ay si dhaafsanayaan wakiilo.
Safaaradda Shiinaha ee Soomaaliya ayaa qoraal ay baahiay ku sheegtay in Taiwan ay ka mid tahay Shiinaha isla markaana aanay aqbali doonin in cidi ay kala qaybiso Shiinaha.
“Uma ogolaan doono cidna, hadii ay tahay urur ama xisbi siyaasadeed in uu boqcad ka gooyo Shiinaha wakhti kasta ama si kasta ha ahaatee. Taiwan waa qayb aan guurayn oo dalweynaha Shiinaha ka mid ah” ayaa lagu yidhi qoraalka safaaradda.
We will never allow anyone, any organization or any political party to separate any piece of territory from China at any time or in any form. Taiwan is an inalienable part of China.#Somalia#COVID-19
— Chinese Embassy in Somalia (@ChineseSomalia) July 1, 2020
Somaliland iyo Taiwan ayaa dhawaan sheegay in ay sii kordhinayaan xidhiidhka u dhaxeeya labada dhinac. Somaliland waxay ka go’day Soomaaliya balse wali lama aqoonsan, halka Taiwan-na ay ka go’day Shiinaha balse iyaduna wali may helin aqoonsi caalami ah.