Ilaaladda xeebaha dalka , ayaa maalintii Jimcihii qabtay 236 muhaajiriin sharci daro ah oo isku dayey in ay galaan Jasiiarad ku taalla dalka Giriiga sida ay ku warantay warbaahinta maxaliga ahi.
Ilaaladdu waxa ay ku qabteen lix doonyaha la buufiyo ah oo siday tahriibayaal sharci daro ah meel u dhaw degmada Cesme oo ka tirsan gobolka Galbeedka ku yaalla ee Izmir sida ay daabacday jariidada Haberturk . Muhaajiriinta oo ka soo dalalka Suuriya, Soomaaliya , Morroco , Bangladesh , Ciraaq, Afghanistan iyo Congo , ayaan haysan macluumaadka socdaalka , waxaana ay isku dayayeen in ay gaadhaan Jasiirada Chios ee dalka Giriiga
Badda Aegean , ayaa mar ahayd meesha ugu weyn ee ay tahriibayaashu Turkey ugaga sii gudbaan Yurub , heshiis la kala saxeexday 2016 oo u dhexeeyay Turkey iyo Midowga Yurub , ayaa hoos u dhigay qul qulka muhaajiriinta shari darada ah Qaarada galayey, iyaga sii maraya Turkey
Illaa sannadkan 28, 546 tahriibayaal ah , ayaa isku dayey in ay gaadhaan Jasiiradaha Giriiga iyaga sii maraya Turkey , halkii 2018 ay tiradu ahayd 17, 463 sida lagu sheegay xog ay baahiyeen ilaaladda xeebaha Turkey
Madaxweynaha Turkey Recep Tayib Erdogan , ayaa ka digay Khamiistii in Turkey uu xuduudihiisa u furi doono qaxoontiga Suuriyaanka ah si ay ugu gudbaan Yurub , haddiii Ankara aanay taageero u helin 3.6 milyan reer Suuriya ah oo hoy ka dhigtay ciidda Turkey
Waxa uu ku dooday , Midowga Yurub ay ballan qaadeen uun 3.3 bilyan oo Dollar oo gargaar maaliyadeed loo siinayo Turkey