Horyaalka kubadda cagta ee dalka Ingiriiska ayaa u muuqda mid khasaaraya adduun lacageed oo dhan $1 billion, sida uu sheegay maxadka arimaha dhaqaalaha ee Deloitte.
Kooxaha labaatanka ah ee ka dheela horyaalka ugu sareeya Ingiriiska ayaa xili-ciyaareedkii hore waxay macaasheen lacag dhan $5 billion, waxay ahayd lacagtii ugu badnayd ee horyaalka naadiyada ee dalka Ingiriisku uu helo.
Xanuunka Covid-19 ayaa keenay khasaaraha wayn ee uu galay horyaalka naadiyada ee Ingiriisku.
Tan iyo bishii March ayuu xidhnaa horyaalku, iyadoo 92 ciyaarood oo wali hadhsanaa lagu dheeli doono garoomo madhan.