Laba dhakhtar oo uu dhashay dalka Cuba oo lagu afduubay xuduuda ay dhibaatadu ka jirto ee Kenya la leeday Soomaaliya , bishii April ee sannadkan , ayaa la xaqiijiyey in ay nool yihiin sida uu sheegay wasiirka caafimaadka ee Cuba Jose Angel Portal.
Shir jaraa’id oo uu ku qabtay magaalada Havana , ayuu ka sheegay Portal in Cuba samaynasy7o wax walba sidii dib loogu soo celin lahaa , ma jiro dalab madax furasho ah oo ka yimi afduubayaasha sida ay ku warameen qaar ka mida saxaafadu.
Waxa soconaya dadaalada lagu sugayo sii daynta Landy Rodrigues oo ah dhakhtar qaliinka ah Asel Herrera isna ah dhakhtar cudurada uur ku jirta ah , hawsha ayaa wakhti u baahan sida uu sheegay wasiirka caafimaadka Cuba Jose Portal , waxa uu intaa ku daray in dawladda Cuba aanay hoos u dhigayn dadaalka lagu sii daynayo .
Madaxweynaha Cuba Miguel Diaz-canel , ayaa dhawaan khadka Telefoonka kula xidhiidhay raga meeqaamkiisa oo kale ka taagan dalalka Kenya iyo Soomaaliya Uhuru Kenyatta iyo Maxamed Cabdilaahi Farmaajo si la isugu duba rido dadaalada dib loogu helo dhakhaatiirta , waxaana ay u muuqanaysaa in ay afduubeen Al-shabaab ka hawlgasha xuduuda