Antonio Guterres, xoghayaha guud ee Qaramada Midoobay wuxuu soo dhaweeyay go’aankii ay shalay gaadheen Aqalka Shacabka ee Baarlamanka Soomaaliya.
Afhayeenka Antonio Guterres ayaa sheegay in xoghayaha guud uu bogaadinayo in dib loogu laabto heshiiskii 17 September kaas oo dhigayay in sida ugu dhakhsaha badan doorasho loo qabto, isla markaana qeexayay qorshaha doorashada.
Xoghayaha guud ee Qaramada Midoobay wuxuu mar kale ugu baaqay saamilayda siyaasadda Soomaaliya in ay iskugu yimaadaan wada hadal, isla markaana xal ka gaadhaan muranada siyaasadda ee qabsoomida doorashooyinka. Antonio Guterres wuxu inaa ku daray in heshiis la gaadhaa uu muhiim u yahay degenaanshaha Soomaaliya.