Ciidamada Sucuudiga ayaa la wareegay magaalada Caden ee xarunta u ah dawladda ay xulafada Sucuudigu taageerto ee dalka Yemen, sida ilo lagu kalsoonyahay ay u sheegeen wakaalada wararka ee Reuters.
Sucuudiga ayaa raba in uu ka hor tago dagaalo kale oo dhexmara xulafada uu taageero oo awooda ku loolamaya. Ciidamada dawladda iyo maleeshiyaad isla iyaga ka goostay isla markaana ah gooni u goosatada dhanka koonfurta ayaay dagaalo lagu hoobtay ku dhexmareen magaalada Cadan oo ku taala xeebaha koonfureed ee dalkan ay colaaduhu baabiiyeen.
Todobaadkii hore ayuu imaaraadku bilaabay in uu ciidamadiisa kala baxo magaalada Caden, arintaas oo cadayn u noqon karta in heshiis hor dhac ah ay gaadheen labada dhinac ee mar xulafada ahaan jiray.
Imaaraadku waa dawladda ugu xooggan ee dagaalka Yemen ku wehelinaysay xukuumadda Riyaad, waxayna taaeegro siisaa kooxahan gooni u goosadka ah oo la dagaalami jiray kooxda xuutyiinta.