Tababar ay ka qayb galayaan ciidamada qaranka ee difaaca Itoobiya , milatariga Mareykanka iyo wadamada ay wada shaqaynta leeyihiin, ayaa ka furmay magaalada Addis Ababa , waxaana ka qaybgalay talisyada ciidamada iyo shirkadda amaanka.
Tababarka oo socon doona 17 maalmood , waxa ka qayb qaadan doona ciidamo Milatari oo kala socda dalalka Baraasiil, Burundi, Canada, Djibouti, Faransiiska, Jarmalka, Talyaaniga, Kenya, Netherlands, Rwanda, Soomaaliya, Uganda, Ingiriiska iyo ururo kale oo caalami ah.
Carbiskani ayaa kor loogu qaadaya awooda ciidamada ka qayb qaadanaya hawlgalada nabad ilaalinta iyada oo taageero la siin doono AMISOM iyo hagaajinta amaanka .
Waxa tababar la siin doonaa suxufiyiinta, kooxaha caafimaadka iyo kooxaha saadka qaabilsan kuwaasoo gacan ka gaysan doona inta lagu gudo jira hawlgalada nabad ilaalinta
Hadal furitaan ah uu jeediyey wasiiru dawlaha gaashaandhiga Itoobiya Fisha Weldesenbet , waxa uu sheegay in tababarka ay qaadan doonaan ciidamada kala duwani uu fursad muhiim ah uu yahay wax lagaga qaban karo amaanka Geeska Afrika oo ay dhibaato ka jirto.
Waxa uu iftiimiyey in Geeska oo Afrika ku xidha Yurub, Bariga Dhexe iyo Aasiya uu sugi karo amaanka gobolka isla markaana uu muhiimad istaraataji ah u leeyay aduunka
Wasiiru dawluhu waxa uu sheegay in ay wejahayaan argagixiso, qaxoontiga soconaya, xasaradaha barakaca guduhu keenay iyo khilaafyada qawmiyadaha iyo qabiilada.
Waxa uu intaas ku daray in goobta uu ku yaalla juquraafi ahaan oo xuduuhu iska galaan ay adag tahay in la xakameeyo argagixisada iyo kooxaha hubeysan
Safiirka Mareykanka ee Itoobiya, Mike Raynor waxa uu sheegay in tababarku Mid muhiim ah u yahay amniga gobolka, isla markaana uu taageersiinayo Qaramada Midoobay iyo Midawga Afrika oo sharci u haysta in ay taageeraan amaanka gobolka.