Madaxweyne Uhuru Kenyatta , ayaa dalalka shisheeye ka wada dadaal uu doonayo in uu ku sugo sidii ay Kenya kursi ugu heli lahayd golaha ammaanka Qaramada Midoobay , si ay taageero ugu hesho xiisada ka dhaxaysa Soomaaliya oo cirka isku sii shareeraysa
Saddexdii toddobaad ee ugu dambeeyay Madaxweynuhu, waxa uu dalka gudihhiisa dibediisaba kula kulmay 18 qof oo isugu jiray Madaxweynayaal iyo wakiilo.
Dadka la socda miisaaniyada Madaxtooyadu. Waxa ay sheegeen in Mr Kenyatta iyo ku xigeenkiisa William Ruto ay kharash gareeyeen 190 milyan oo shallinka Kenya ah 2019 , halka marka la barbardhigo 2018 ah ka ahayd 36.5 milyan , waxaana loo adeegsaday shaqooyinka dibeda laga wado oo ah kuwo culus
Maalintii Sabtidii waxa uu kula kulmay madaxda ku midoobay ururka Bariga Caribean-ka magaalada Bridgetown ee Jasiirada Barbados
Waxa la kulmay 10 Madaxweyne oo ka socaday gobolka , isaga oo ka codsaday in ay taageeraan isku dayga Kenya ee in ay ka hesho kursi aan joogto ahayn golaha ammaanka 2021 illaa 2022
Hadal laga soo xigtay Madaxweyne Kenyatta oo loo diray waaxda xidhiidhka isataraatajiyada Madaxtooyada , ayaa ahaa in musharaxnimada ay sabab u tahya doorka muhiimka ah ee golaha ammaanku ku leeyay nabada ammaanka caalamka
Waxa uu dibeda kula kulmi doonaa hogaamiyayaasha dalalka Ruushka , Shiinaha iyo Mareykanka .
Golaha ammaanka ayaa ah hay’adda ugu awood badan Qaramada Midoobay , waxa uu ka kooban yahay 15 xubnood 5 ka mida ayaa leh awooda diidmada qeexan ee VETO , waxa ay ku hor joogsan karaan xataa cuno qabatayn dawladdi soo rogtay haddii loo arko in ay helis ku tahya nabada aduunka .
Dadaalka Kenya waxa khatar gelin kara muranka dhanka badda ee u dhexeeya Soomaaliya oo dacwdiisu hor taalla ICJ , Baarlamaanka Kenya ayaa wado qorshe la doonayo in ay Kenya ciidamo ugu dirto biyaha lagu muransan yahay